9/9/2005

- 去左一間文具舖，由兩層改做三層，覺得幾好。上到最上層，原來以前宿舍ｄ仔住o係o個度，佢地好開心我番去探佢地，叫我估下邊個住3樓，我講左一堆名出黎，之後佢地打鐘集合，原來好多人都住o係3樓......之後我望下出面，落緊雨，我好擔心咁問我隔離個小黑有冇帶遮......

- 番到屋企附近，仲落緊好大雨，有人o係屋企對面賣公仔，我約左青蛙同hk，等左好耐都未到，咁我就o係度睇o個d公仔......佢地黎到之後傾計，青蛙講開話之前見過個著住豹紋衫既人o係度，我話o個個係我黎ga wor，佢話「係咩？o個日你仲拎住好大束花」，但係我唔記得有拎過花wor，諗黎諗去，淨係影畢業相同情人節o個時有拎過花之ma......

- 我同我husband o係一個紅色既地鐵站等人，仲有一班人咁，全部都係男人，好似去旅行咁，之後有個女仔行埋黎，第一個行埋我husband度，想錫佢wor，我一手就打走左佢，佢好嬲咁望住我，我就啤番佢番頭，之後佢就好快咁走左去錫其他男人，俾佢錫左ｄ人都好驚訝咁，佢鍚完就好快咁走左，之後我地就o係度討論點解個女仔會錫o個d人，因為佢唔係個個都錫，有ｄ人話可能係o個個男人對老婆好好佢先會錫......之後我同我husband同我情夫(?!)行街，佢地兩個相處得好好咁，兩個都好錫我，行行下個女仔又出現，啤住我，想要報復咁......之後無端端我要爬一條梯上去一個閣樓咁既地方，一打開個門（各上開既門），就有個女仔張相，個樣好惡，就跌落黎咁，我推番上去，之後個女傑就拋左一個裝左黃黃地色既透明啫喱既野（好似人地隆胸既野）落黎，我就接住左，之後又番番去行街o個度，我俾我husband同情夫睇o個舊jelly既野，大家估緊係咩黎o個時，我突然之間睇到段片，係講有個好古老既地方，有個男人，仲有３個小朋友，佢話「要點樣令ｄ小朋友咁精靈呢？就係要用第４個小朋友啦」，講完之後佢就抱住個bb，唔知點抽走佢身上面既精美華，就係o個舊jelly既野，而個bb就抽乾左咁死左。我睇完之後就覺得o個舊jelly野好恐怖、好核突，唔想再掂佢......