12/8/2005

- 我生左個仔，係個好得意好精靈既BB，但係因為唔知道佢係男仔定女仔，所以未幫佢改名，不過我已經propose左兩個名......我同daddy mummy要移民去英國，唔知點解唔可以帶埋BB走，我就好唔忿氣，但係要上飛機，就托elsie個三嬸(?!)幫我養佢。去到英國一落機，我就唔捨得阿B，就即刻飛番番黎搵番佢，佢好開心......

- 同一班人去渡假屋，好大，每棟屋有３層，每人住１層半。bert黎借水飲......出去外行下，有好大片草地，我赤住腳行，好驚俾野咬......行行下見到有個泳池，係一級一級好似樓梯咁，４、５級之後最下面係水池咁既地方，有兩層，係黑色既石做底既，好似養魚既水池咁。見到有人學游水，個教練叫ｄ o靚仔o係d梯級度"游"落黎，一級一級咁，之後落到最下面個水池，我見到有寄生蟲，好核突，有一條好大好長既o係水度游，另外有一條細ｄ既就o係石上面爬，因為同ｄ石差唔多顏色，所以ｄ人好似睇唔到，我好驚，不停話俾佢地聽叫佢地上水，但係冇人理我......

- 同小黑去完wincy屋企，走o個時成條走廊都冇燈，好黑好黑，但係唔知點解我地不停咁行番番wincy屋企又出黎，番入去又出黎咁，搞到要行o個條走廊好多次，好驚～之後終於落到樓下，冇人，又唔識路，兜左一陣先搵到條樓梯上天橋，唔知點解又行左好多次，行到我都記得點行啦，小黑就話「你終於識路啦，去旅行都冇問題啦」，上左天橋，終於見到有人，見到有個肥仔，同佢個肥既媽，後面仲有肥daddy，佢地o係度講野，我覺佢佢地好恐怖，就行快ｄ。之後見到有個阿媽同個女，個阿媽隻手包晒bandage，冇左隻中指ga，我o個時仲諗「冇左都好正常既，唔知係咪又因為食肉菌呢」......