21/7/2005

- 番柴灣工場客串下，一早番到去，點知阿珍有野搵我，整左好耐，連原本要開既組都開唔到，ｄ組員已經落晒黎，rosita就幫我開，開完左之後我就好驚，要老細幫我開組，實俾佢鬧死......

- 同小黑去左一間舖頭，好舊，但係好多野賣，有多用途既摺刀，仲有好多工具。雖然叫舖頭，但係只係得一個櫃位咁，個老闆娘坐o係度，入面已經冇晒位。個老闆娘好似好沮喪咁，我地同佢講野安慰左佢一陣，不過都好似冇咩用......之後番到屋企同小黑坐o左o係3人梳代度，發現原來小黑一路幫我拎左個最大既買送籃，入面只係得一塊布，我自己就拎住中size既買送籃，入面就好多野，好重，於是我就開始執野。入面有好多野，有一張用冷勾既鴨仔地毯、一張細ｄ既冷勾鴨仔布、２塊十字繡同埋ｄ工具，我將ｄ野拎晒出黎，輕晒......mummy拎左個蛋糕過黎，我問佢「咩蛋糕黎ga，未見過既？」佢就面有難色咁話「唔係ma，你諗清楚ｄ」，仲望下小黑咁，我諗左好耐都諗唔到，原來係小黑好耐之前送俾我既，小黑黑面（其實全個夢入面都係黑面），之後就俾左一個藍莓cake俾我，我有ｄ似曾相識既感覺，佢就拎左一個好得既既cake，有一整個剝皮橙o係入面......