15/7/2005

- 我住o係紅磡碼頭，同青蛙搭巴士番屋企，去到碼頭總站，我就同青蛙講「你仲要行好耐先番到屋企，等我陪你行一陣啦」，咁就陪住佢行，行行下去到一條好闊既馬路，好多車，好難過，青蛙突然間變左要坐輪椅，我同佢就戰戰兢兢、好危險咁過左去對面，o個度有個幾高既kerb，我就同佢講「拿～又話唔駛我送你？得你自己點上到去？」之後就好輕易咁推左佢上去......

- 同mummy、阿姨同elsieo係屋企(即係碼頭總站)搭車出去，帶左一隻倉鼠，點知就黎到目的地o個時mummy話俾我聽因為擺左另一隻鼠入去，整死左原本隻鼠，我勁唔開心，又好嬲，鬧佢做咩要擺o個隻野入去，喊左好耐，仲喊得好難聽tim～之後終於到站，原來約左小黑，我一見到小黑就跑上去攬住小黑喊，又係喊得好難聽，之後小黑安慰番我......

- 同小黑去左一個商場既舖頭，係佢ｄ朋友開既，唔知賣game定係電腦野咁，有ｄ野壞左，小黑幫佢整左好耐好耐，中間又睇下波咁，一路都冇理我，我就好嬲，自己走左出去，點知佢連我走都唔知，更加嬲，一路o係商場行行行(係西九龍)，佢終於出黎搵番我，但係我都仲好嬲......

- 戴黑色con，點知右眼o個隻裂左好大條痕，好唔開心......

- 見到袁詠儀同另一個做電視既人，佢地要去一個頒獎既地方，我就帶佢地去，今次到袁詠儀坐輪椅，又要過之前好闊o個條馬路，同佢地去到之後見到好多其他明星，之後我發現自己唔應該留o係o個度，就自己走～去左吉之島，10:41pm，仲未關門，仲有好多人o係度買野，咁我都去買，好逼，之後有一部賣零食既機，只係3個1蚊就有一份，我見佢咁得意就試下，點知入完＄之後冇得揀，出左辣薯條。之後有一pair人同幾個細路黎，個女仔一開，就開左個機底個抽屜，入面全部都係o個d零食，佢地就係咁食食食......