27/6/2005

- 唔知係睇戲定係現場見到，有個女仔同佢細佬o係架車出黎，然後有班警察圍住佢地，個女仔同細佬同警察都有槍，個女仔好型咁射左其中一個警察個大脾一槍，o個個警察好驚好痛咁，但係個表情好滑稽，之後個警察就向住個細佬個頭後面開番一槍，個細佬即刻倒地，然後好多血o係佢個頭前面個洞流出黎（子彈穿過左佢個頭），我好驚好驚，嚇醒左，好耐先訓番
- 好似好多年前咁，姨丈有間屋冇人住，就俾左我住，好舊，我就帶我ｄ野入去，係平房黎既，有一間好大既書房，好似office咁，間屋好多唔知咩人出出入入，之後有個女仔住o係廚房，佢唔識講野（MR？？），指俾我睇佢隻小腿有條好長既界親既傷口，好淺，好似俾紙界咁，之後我搵左ｄ黃藥水同紗布幫佢消毒，再同佢講叫佢唔駛驚，咁淺，冇咩事既～
- 同一個年代，知道有幾兄弟俾我揀，二哥個名Ｊ字頭，三哥就M字頭，一個就靚仔Ｄ，一個就有錢ｄ......